Die Waterberg wys hom van sy mooiste kant: Sonskyn.
groen bos, motorleë paaie.
Waterberg 15 April 2007
Na byna 80 000km se teerpad ry met my vorige motorfietse moet ek nou geleidelik meer begin grondpad ry om beter voorbereid te wees op dit wat volgende jaar op my wag.
Ek is vanoggend na die St. John's kerkie naby Vaalwater. Die kerkie is deur Sir Herbert Baker ontwerp. Ek het al baie spesiale kerkdienste in dié kerkie beleef.
Die Waterberg wys hom van sy mooiste kant: Sonskyn.
groen bos, motorleë paaie.
Die Waterberg het reën gehad die laaste drie dae.
Skielik is die sandpaaie wat ek verwag het, nat, modderig en baie glad. Ek was
bly dat ek op 'n ligter fiets kon koes en gly, en nie op 'n swaar enduro nie.
Mik, koes, kamera laat val, verby ry.
Die kinderkerk by St. John's. Hoekom klop my hart
so warm vir die hierdie kerk en hul aktiwiteite?
Vaalwater, die eens verlate, vervalle dorpie in die
Outback van niks, staan op uit die vervalle platteland-wees en stof hom af. Die
dorp pols met nuwe lewe.
Die slegte klippad stamp en skud en laat die eerste
skroef van die KLR los kom en verloor.
Die teerpad image van die KLR is verby. 189km later
en ek is tevrede met my keuse van KLR 650.