Welkom op my webblad!
Dié webblad gaan oor langafstandmotorfietsry. My motorfiets is 'n Kawasaki KLR 650. Met dié fiets het ek 2008 oor Afrika deur Europa tot by Rusland en toe terug Europa toe gery. Met dieselfde motorfiets gaan ek hierdie jaar nog 'n lang toer aanpak.
Nuus!
Vandag oor twee maande begin ons toer
in München, Duitsland!
03/03/2010 - Die afsnydatum vir die Russiese visum is 15 Maart 2010. As ons tot dan nie seker is van 'n Russiese visum nie dan swaai ons die toer om en ry vanaf Europa oor Afrika terug Suid-Afrika toe.
Wat toer sou jy graag wou doen? Voltooi gou die peiling hier onder.
Uitslag van die peiling tot dusver:
Rusland / Siberië: 15.53 %;
Vanaf Duitsland oor Afrika tot in Suid-Afrika: 84.47 %
Die vervoer van die twee KLRs München
toe is gefinaliseer. Vrydagoggend 30 April 2010 vertrek die twee fietse met Air
Berlin Duitsland toe!
Ek het besluit om met my toer hierdie jaar geld vir Operation Smile in te samel. Hierdie mense doen wonderlike werk! Hulle herstel haaslippies en gesplete verhemeltes by kinders wat dit nie kan bekostig nie. Hulle herstel dus baie meer as net 'n gebrek. Hulle laat kinders weer mens word. Gaan lees gerus op hulle webblad.
Ek gaan my toer
noem.
Hoeveel geld wil ek insamel? R 90 000! Hoekom juis soveel? Dit gaan genoeg geld wees om vir 15 kinders se operasies en ses maande se nasorg te betaal. Hoekom vir 15 kinders? FSA Youth Exchange, die wonderlikste groep om voor te werk, is hierdie jaar reeds 15 jaar lank in Suid-Afrika besig met die leerlinguitruilprogram tussen Suid-Afrika en Duitsland. Dit is dus een kind vir elke jaar.
Ek gaan binnekort begin geld insamel. Dis net 9 000 R10 note! Elke donasie gaan op die webblad erken word, en die volle bedrag wat ek met "Ride for a Smile" gaan insamel, gaan aan Operation Smile oorhandig word. Wat 'n lekkerte dat geen enkele sent vir administratiewe koste afgetrek gaan word nie! Dit is my waarborg aan julle.
Ek hoop ek kan op JOU steun reken sodat ons ons doelwit, en nog meer, kan bereik!
(Operation Smile is 'n geregistreerde Art. 21 maatskappy. Skenkings aan Operation Smile is belastingaftrekbaar)
As jy 'n donasie wil maak, kliek hier. Eerste donasies is ontvang!
